अंबड प्रतिनिधी आकाश जळके
संत रामदास महाविद्यालय घनसावंगी येथे काल लोकराजा राजर्षी शाहू महाराज जयंती उत्साहात साजरी करण्यात आली.26 जून हा दिवस "सामाजिक न्याय दिन " म्हणून साजरा केला जातो.
याप्रसंगी व्यासपीठावर मा.प्राचार्य आर.के.परदेशी सर, प्रा. डॉ.गजानन अवचार सर, व कार्यालयीन प्रमुख श्री जी.डी.चोथे होते.यावेळी प्रमुख वक्ते म्हणून राजर्षी शाहू महाराजांच्या जीवनानावर उपप्राचार्य प्रा.डॉ.गजानन अवचार सर यांनी प्रकाश टाकला.
शाहू महाराजांचे जीवन हे खऱ्या अर्थाने शोषित -वंचित समूहासाठी होते.त्यांनी सर्वप्रथम आपल्या संस्थानात 50% आरक्षण लागू केले.सामाजिक न्यायाची भूमिका आपल्या जीवनात अंगीकारली.असे प्रतिपादन त्यांनी केले.
कार्यक्रमाचा अध्यक्षीय समारोप प्राचार्य राजेंद परदेशी सर यांनी केला.कार्यक्रमाचे सूत्रसंचालन व आभार प्रा.डॉ सुनील सामग सर यांनी केले.
यावेळी बहुसंख्य विद्यार्थी प्राध्यापक,शिक्षकेत्तर कर्मचारी उपस्तिथ होते.
Post a Comment
0 Comments