जिल्हा युवा पुरस्कारासाठी अर्ज सादर करण्याचे आवाहन

 *जिल्हा युवा पुरस्कारासाठी अर्ज सादर करण्याचे आवाहन*

         जालना, दि.2 (जिमाका) : जिल्हा युवा पुरस्कार हा युवक कल्याण क्षेत्रात कार्य करणारे युवक, युवती व नोंदणीकृत संस्थाच्या कार्याचे, योगदानाचे मूल्यमापन होऊन त्यांचा गौरव व्हावा व प्रोत्साहन मिळावे, या उद्देशाने शासनातर्फे जिल्हा युवा पुरस्कार जिल्ह्यातील 1 युवक व 1 युवतींना रोख रक्कमेसह गौरवपत्र, सन्मानचिन्ह देण्यात येते. यासाठी जिल्हा युवा पुरस्कारासाठी अर्ज मागविण्यात येत आहेत. या पुरस्कारासाठी विहीत नमुन्यातील अर्जासह आपले प्रस्ताव आवश्यक कागदपत्रासह गुरूवार, दि. 18 डिसेंबर 2025 पर्यंत जिल्हा क्रीडा अधिकारी कार्यालय, जालना येथे सादर करावेत, असे आवाहन जिल्हा क्रीडा अधिकारी, जालना यांनी प्रसिध्दीपत्रकाद्वारे केले आहे. 

संस्था सार्वजनिक विश्वस्त अधिनियम 1860 किंवा मुंबई पब्लिक ट्रॅस्ट ॲक्ट 1950 नुसार पंजीबध्द असाव्यात. संस्थेसाठी रोख रक्कम, गौरवपत्र व सन्मानचिन्ह असे पुरस्काराचे स्वरूप असणार आहे. वर्ष 2023-24 च्या जिल्हा युवा पुरस्कारासाठी दि. 1 एप्रिल 2022 रोजी (युवक युवतीचे वय 13 वर्षे पुर्ण) व दि. 31 मार्च, 2024 रोजी (युवक युवतीचे वय 35 वर्षे पुर्ण) किंवा त्यापेक्षा कमी असणे आवश्यक आहे. तसेच वर्ष 2024-25 च्या जिल्हा युवा पुरस्कारासाठी दि. 1 एप्रिल, 2023 रोजी (युवक युवतीचे वय 13 वर्षे पुर्ण) व दि. 31 मार्च, 2025 रोजी (युवक युवतीचे वय 35 वर्षे पुर्ण) किंवा त्यापेक्षा कमी असणे आवश्यक आहे. 

जालना जिल्ह्यातील जास्तीत-जास्त युवक-युवतींनी व नोंदणीकृत संस्थांनी जिल्हा क्रीडा अधिकारी कार्यालय, जालना येथून अथवा www.maharashtra.gov.in या संकेतस्थळावरून शालेय शिक्षण व क्रीडा विभागाच्या दि. 12 नोव्हेंबर 2013 रोजीच्या शासन निर्णयासोबत जोडलेला अर्ज सादर करावा. अधिक माहितीसाठी क्रीडा अधिकारी आरती चिल्लारे मो. 77588 63991, क्रिडा मार्गदर्शक सिध्दार्थ कदम मो. 89753 33594 तसेच जिल्हा क्रीडा अधिकारी कार्यालय, जालना येथे संपर्क साधावा, असे जिल्हा क्रीडा अधिकारी, जालना यांनी कळविले आहे.

                                                    *-*-*-*-