अंबड वार्ता प्रतिनिधी आकाश जळके
अंबड, दि. १४ सप्टेंबर २०२५ (प्रतिनिधी):अंबड तालुक्यात रविवारी घडलेली घटना म्हणजे अगदी एखाद्या थरारपटाची कथा होती. तहसीलदार विजय चव्हाण आणि त्यांच्या पथकावरच अवैध वाळू वाहतूक करणाऱ्या ट्रॅक्टर चालकाने जीवघेणा हल्ला केला. पण तहसीलदारांनी दाखवलेले धाडस, जिद्द आणि निर्भीड नेतृत्व यामुळे आज त्यांच्याबद्दल जनतेत वेगळीच चर्चा रंगली आहे.
सुरुवात – गुंडांचा खेळ
हस्तपोखरी शिवारात लाल रंगाचा विना-क्रमांक स्वराज ट्रॅक्टर पकडला गेला. चौकशी करताच चालक सुरजीत खंडेकरने थेट पथकातील तलाठी गोसावी यांनाच ढकलून दिलं, वाळू रस्त्यावर ओतली आणि ट्रॅक्टर घेऊन पळ काढला.
तहसीलदारांचा पाठलाग – “नाही थांबलास तर काय होतं दाखवतो!”
तहसीलदार विजय चव्हाण आणि ग्राममहसूल अधिकारी गायकवाड यांनी लगेचच मोटरसायकलवरून ४० किलोमीटरचा थरारक पाठलाग सुरू केला.
या दरम्यान आरोपीने दोन-तीन वेळा ट्रॅक्टर त्यांच्या अंगावर घालून जीव घेण्याचा प्रयत्न केला.
पण तहसीलदारांचा डायलॉग अंगावर काटा आणणारा ठरला:
👉 “सरकारी कामात अडथळा आणतोस? आम्हाला मारायला निघालास? अरे कायदा तुला शिकवायला आम्हीच पुरे आहोत!”
अखेरीस – गुंडाचा खेळ संपला
धनगरपिंपळगाव–कर्जत रस्त्यावर आरोपीचा ट्रॅक्टर पलटी झाला. चालक मात्र शेतरस्त्याने पळून गेला. पण महसूल पथकाने ट्रॅक्टर ताब्यात घेऊन तहसील कार्यालयात जमा केला.
तहसीलदारांचा दुसरा दमदार डायलॉग:
👉 “ही फक्त सुरुवात आहे… वाळू माफियांनी कानात ठेवा, अंबडच्या मातीत कायद्याचा डंका वाजतो, गुंडांचा नाही!”
गुन्हा आणि कारवाई
अंबड पोलीस ठाण्यात आरोपीविरुद्ध प्रथम खबर क्र. 0510/2025 दाखल करण्यात आली. त्याच्यावर भारतीय न्याय संहिता, महसूल कायदे आणि खाण अधिनियमांतर्गत गंभीर गुन्हे नोंद झाले आहेत.
जनतेचा प्रतिसाद – “आमचे तहसीलदार म्हणजे खरे हिरो!”
या घटनेनंतर अंबड तालुक्यात तहसीलदारांविषयी आदर दुणावला आहे.
स्थानिक नागरिकांच्या तोंडी एकच वाक्य –
👉 “चित्रपटात नायक शेवटी गुंडांना धडा शिकवतो… पण इथे आमच्या
एक खर्या आयुष्यात दाखवून दिलं, कायद्याच्या नायकाला कोणीही थांबवू शकत नाही!”
🔥 ही घटना केवळ वाळू माफियांसाठीच इशारा नाही, तर अंबडकरांसाठी अभिमान आहे.
तहसीलदार विजय चव्हाण – नावातच विजय आहे आणि कृतीतही!
Post a Comment
0 Comments